ପ୍ରଶାସନିକ ଅବ୍ୟବସ୍ଥା ଅଭିଯୋଗରେ କଡ଼ା ପଦକ୍ଷେପ, ଭଦ୍ରକରେ ୨ ଅଧିକାରୀ ନିଲମ୍ବିତ...

ପ୍ରଶାସନିକ ଅବ୍ୟବସ୍ଥା ଅଭିଯୋଗରେ କଡ଼ା ପଦକ୍ଷେପ, ଭଦ୍ରକରେ ୨ ଅଧିକାରୀ ନିଲମ୍ବିତ...

ଭଦ୍ରକ,୧୦/୧୦(ନି.ପ୍ର): ଭଦ୍ରକ ଜିଲ୍ଲାରେ ପ୍ରଶାସନିକ ଅନିୟମିତତା ଓ ଆର୍ଥିକ ହେରଫେର ଅଭିଯୋଗକୁ ନେଇ ବିବାଦ ଦେଖାଦେଇଛି। ଧାମନଗରର ନିର୍ବାଚନ ପଞ୍ଜୀକରଣ ଅଧିକାରୀ ଏବଂ ଚାନ୍ଦବାଲି ବ୍ଲକ ଉନ୍ନୟନ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପରେ ଜିଲ୍ଲାର ପ୍ରଶାସନିକ କାର୍ଯ୍ୟଧାରା ଉପରେ ପ୍ରଶ୍ନ ଉଠିଛି।

         Ad..

ଧାମନଗର ଏନଏସି ଅଧିକାରୀ ସନ୍ତୋଷ କୁମାର ନାୟକଙ୍କ ବିରୋଧରେ ଭୋଟର ତାଲିକାର ସ୍ୱତନ୍ତ୍ର ସଂଶୋଧନ (SIR) ସମୟରେ ୧୦ ଜଣ ବୁଥ୍‌ସ୍ତରୀୟ ଅଧିକାରୀଙ୍କ ଆଇଡି ବ୍ୟବହାର କରିଥିବା ଅଭିଯୋଗ ହୋଇଛି। ପ୍ରାଥମିକ ପର୍ଯ୍ୟାୟରେ ପ୍ରାୟ ୩,୦୦୦ ଭୋଟରଙ୍କ ନାମ ତାଲିକାରୁ ବାଦ୍ ପଡ଼ିଥିବା କୁହାଯାଉଛ।

Ad..

ନିର୍ବାଚନ ଆୟୋଗଙ୍କ ହସ୍ତକ୍ଷେପ ପରେ ନଗର ଉନ୍ନୟନ ବିଭାଗ ତାଙ୍କୁ ପଦରୁ ହଟାଇଥିଲା। ଅନ୍ୟପକ୍ଷରେ, ବନ୍ୟା ରିଲିଫ୍ ପରିଚାଳନାରେ ଅବହେଳା ଅଭିଯୋଗରେ ଚାନ୍ଦବାଲି ବିଡିଓ ସଞ୍ଜୀବ କୁମାର ମହାପାତ୍ରଙ୍କୁ ନିଲମ୍ବିତ କରାଯାଇଛି।

     Ad..

ତାଙ୍କୁ ଜିଲ୍ଲାପାଳଙ୍କ କାର୍ଯ୍ୟାଳୟରେ ରିପୋର୍ଟ କରିବାକୁ କୁହାଯାଇଥିବା ସୂଚନା ମିଳିଛି।ତାଙ୍କୁ ସମର୍ଥନ କରି ପ୍ରାୟ ୭୦ଟି ଗାଡ଼ି ଭୁବନେଶ୍ୱର ଯାଇଥିବା ଖବର ପରେ ଏହି ଘଟଣାକୁ ନେଇ ଚର୍ଚ୍ଚା ବଢ଼ିଛି।

ଏହା ସହିତ, ଭଦ୍ରକ ଜିଲ୍ଲାର ବନ୍ତ ବ୍ଲକ ଅନ୍ତର୍ଗତ ସରମରା ସ୍କୁଲରେ ୩ ଲକ୍ଷ ଟଙ୍କାରୁ ଅଧିକ ଅର୍ଥ ହେରଫେର ଅଭିଯୋଗ ମଧ୍ୟ ସାମ୍ନାକୁ ଆସିଛି । ଏହି ମାମଲାରେ ସହକାରୀ ଶିକ୍ଷକ ସୋମନାଥ ବିଶ୍ୱାଳ ଓ ସ୍କୁଲ ପରିଚାଳନା କମିଟିର ସଭାପତି ବିଶ୍ୱନାଥ ଜେନାଙ୍କୁ ଗିରଫ କରାଯାଇ ଜେଲ୍‌ ପଠାଯାଇଛି। ପୂର୍ବତନ ପ୍ରଧାନ ଶିକ୍ଷକଙ୍କ ଜାଲ୍‌ ଦସ୍ତଖତ ବ୍ୟବହାର କରି ଚେକ୍‌ ମାଧ୍ୟମରେ ଟଙ୍କା ଉଠାଯାଇଥିବା ଅଭିଯୋଗ ହୋଇଛି।

Edited by k.s thakur...