ନୂଆପଡ଼ାରେ ସିବିଆଇର ବଡ଼ ଆକ୍ସନ, ଲାଞ୍ଚ ନେଇ ଧରାପଡ଼ିଲେ ଏକଲବ୍ୟ ବିଦ୍ୟାଳୟ ଅଧ୍ୟକ୍ଷ...

ନୂଆପଡ଼ାରେ ସିବିଆଇର ବଡ଼ ଆକ୍ସନ, ଲାଞ୍ଚ ନେଇ ଧରାପଡ଼ିଲେ ଏକଲବ୍ୟ ବିଦ୍ୟାଳୟ ଅଧ୍ୟକ୍ଷ...

ନୂଆପଡ଼ା,୦୯/୧୦(ନି.ପ୍ର): ନୂଆପଡ଼ା ଜିଲ୍ଲାସ୍ଥିତ ଏକଲବ୍ୟ ମଡେଲ ଆବାସିକ ବିଦ୍ୟାଳୟର ଅଧ୍ୟକ୍ଷ ଲାଞ୍ଚ କାରବାର ମାମଲାରେ କେନ୍ଦ୍ରୀୟ ତଦନ୍ତକାରୀ ସଂସ୍ଥା ଦ୍ୱାରା ଗିରଫ ହୋଇଛନ୍ତି।

            Ad..

ସୂଚନା ଅନୁଯାୟୀ; ବିଦ୍ୟାଳୟରେ ‘ଆସିଷ୍ଟାଣ୍ଟ ନର୍ସ ମିଡ଼ୱାଇଫରୀ’ ଭାବେ କାର୍ଯ୍ୟ କରୁଥିବା ଜଣେ ମହିଳା କର୍ମଚାରୀଙ୍କ ଚାକିରି ଅବଧି ବୃଦ୍ଧି କରିବା ପାଇଁ ସୁପାରିଶ କରିବା ନିମନ୍ତେ ଅଧ୍ୟକ୍ଷ ୨୦,୦୦୦ ଟଙ୍କା ଲାଞ୍ଚ ମାଗିଥିଲେ। ପରବର୍ତ୍ତୀ ସମୟରେ ଆପୋସ ବୁଝାମଣା ଅନୁଯାୟୀ ୧୨,୦୦୦ ଟଙ୍କା ଦେବାକୁ କଥା ପକ୍କା ହୋଇଥିଲା।

Ad..

ତେବେ ଅଭିଯୋଗକାରିଣୀ ଏ ନେଇ ସିବିଆଇ ନିକଟରେ ଅଭିଯୋଗ କରିବା ପରେ ଅକ୍ଟୋବର ୭ ତାରିଖରେ ମାମଲା ରୁଜୁ କରାଯାଇଥିଲା। ଏହି ଅଭିଯୋଗକୁ ଭିତ୍ତି କରି CBI ଟିମ୍ ପକ୍ଷରୁ ସ୍ୱତନ୍ତ୍ର ଜାଲ ବିଛାଯାଇଥିଲା।

ସିବିଆଇ ଟିମ୍ ପୂର୍ବ ପ୍ରସ୍ତୁତି ଅନୁସାରେ ଏକ ସ୍ୱେଚ୍ଛାକୃତ ଜାଲ ବିଛାଇ ଅଭିଯୁକ୍ତ ଅଧ୍ୟକ୍ଷଙ୍କୁ ମହିଳାଙ୍କଠାରୁ ୧୨,୦୦୦ ଟଙ୍କା ଗ୍ରହଣ କରୁଥିବା ସମୟରେ ଲାଞ୍ଚ ଟଙ୍କା ସହ ତାଙ୍କୁ ଗିରଫ କରିଥିଲା। ଅଭିଯୁକ୍ତଙ୍କୁ ହେପାଜତକୁ ନିଆଯାଇଥିବା ବେଳେ ସିବିଆଇ ପକ୍ଷରୁ ଏହି ଘଟଣାର ଅଧିକ ତଦନ୍ତ ଚାଲୁ ରହିଛି।

Edited by k.s thakur...