କଣ୍ଟାବାଞ୍ଜି ଜିଲ୍ଲା ମାନ୍ୟତା ଦାବୀ କୁ ନେଇ ଆସନ୍ତା କାଲି ୧୨ ଘଣ୍ଟିଆ ବନ୍ଦ ଡାକରା...
ବିଗତ ଅନେକ ବର୍ଷ ରୁ କଣ୍ଟାବାଞ୍ଜି କୁ ଜିଲ୍ଲା ମାନ୍ୟତା ଦାବି ହୋଇ ଆସୁଛି। କିନ୍ତୁ ଏ ପର୍ଯ୍ୟନ୍ତ କୌଣସି ଆଂଖି ଦୁର୍ସିଆ ଅବା ଠୋସ ପଦକ୍ଷେପ ନେଇ ନାହାନ୍ତି ରାଜ୍ୟ ସରକାର।
ଗୋଟିଏ ଜିଲ୍ଲା ହେବା ପାଇଁ ଯେ କୌଣସି ମାନଦଣ୍ଡ ଦରକାର ସେ ସବୁ ମାନଦଣ୍ଡ ରେ ସମ୍ପୂର୍ଣ୍ଣ ଭାବେ ପ୍ରଯୁର୍ଜ୍ୟ ଅଟେ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ। ହେଲେ ରାଜ୍ୟ ସରକାର ର ନିଘା ନ ଦେବାରୁ ବର୍ତ୍ତମାନ ଅଂଟା ଭିଡ଼ିଛନ୍ତି କଣ୍ଟାବାଞ୍ଜି ଜିଲ୍ଲା ସଂଘର୍ଷ ସମିତି। କଣ୍ଟାବାଞ୍ଜି କୁ ଜିଲ୍ଲା ମାନ୍ୟତା ଦାବି କୁ ନେଇ ଆସନ୍ତା କାଲି କଣ୍ଟାବାଞ୍ଜି ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି।
ଦୁକାନ, ବଜ଼ାର, ସ୍କୁଲ, କଲେଜ, ସରକାରୀ, ବେସରକାରୀ କାର୍ଯ୍ୟାଳୟ ସହ ଯାନ ବାହାନ ଚଲା ଚଳ ମଧ୍ୟ ବନ୍ଦ କରିବା ପାଇଁ ନିଷ୍ପତ୍ତି ନିଆଯାଇଛି। କିନ୍ତୁ କିଛି ସ୍କୁଲରେ ପରୀକ୍ଷା ଚାଲିଥିବା ରୁ ଛାତ୍ର ଛାତ୍ରୀ ଙ୍କ ଭବିଷ୍ୟତ କୁ ଦେଖି ସେହି ସ୍କୁଲ ଗୁଡିକ ବନ୍ଦ କରାଯିବ ନାହିଁ ଓ ଜରୁରୀ କାର୍ଯ୍ୟ ରେ ନିୟୋଜିତ ଯାନବାହାନ ସହ ଜରୁରୀକାଳୀନ ସେବା ପାଇଁ କାର୍ଯ୍ୟ କରୁଥିବା କାର୍ଯ୍ୟାଳୟ ବନ୍ଦ କରାଯିବ ନାହିଁ ବୋଲି କହିଛନ୍ତି କଣ୍ଟାବାଞ୍ଜି ଜିଲ୍ଲା ସଂଘର୍ଷ ସମିତି ସଭାପତି ଶେଷଦେଵ ପୁଟେଲ।
Edited by k.s thakur...