ମୃତଦେହ ରାସ୍ତା ରେ ରଖି ରାତିସାରା ରାସ୍ତାରୋକ, ୫୦ ଲକ୍ଷ କ୍ଷତିପୂରଣ ଦାବି...
Ad..
ଗତକାଲି ସନ୍ଧ୍ୟାରେ ଛତିଶିଗଡ଼ରୁ ଆସୁଥିବା ଗ୍ୟାସ ସିଲିଣ୍ଡର ବୋଝେଇ ଟ୍ରକ୍ଟି କୋଷାଗୁମୁଡା ଗାଁର ଯୁବକ ରତନ ମାଝୀଙ୍କୁ ଧକ୍କା ଦେଇଥିଲା।ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ସ୍ଥାନୀୟ ଲୋକେ ଟ୍ରକ୍ ଓ ତା’ ଡ୍ରାଇଭରକୁ ଅଟକ ରଖି ପୁଲିସ ଜିମାରେ ଦେଇଥିଲେ।
ଏହାସହ ମୃତ ରତନଙ୍କ ପରିବାର କ୍ଷତିପୂରଣ ଦାବିରେ ରାସ୍ତାରୋକ କରିଥିଲେ। ଗତକାଲି ସନ୍ଧ୍ୟାଠାରୁ କରାଯାଇଥିବା ରାସ୍ତାରୋକ ଆଜି ପର୍ଯ୍ୟନ୍ତ ଜାରି ରହିଛି। କୋଷାଗୁମୁଡା ଥାନା ପୁଲିସ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ ମଧ୍ୟ ସେମାନେ ତାଙ୍କ ଜିଦ୍ରେ ଅଡ଼ି ବସିଛନ୍ତି।
ରତନଙ୍କ ବଡ଼ ଭାଇ କହିଛନ୍ତି, ମୋ ଭାଇର ଦୁଇଟି ଝିଅ ଅଛନ୍ତି। ସେମାନେ କିପରି ଚଳିବେ। ତାଙ୍କ ପରିବାର ଚଳିବାକୁ ୫୦ଲକ୍ଷ ଟଙ୍କା କ୍ଷତିପୂରଣ ଦିଆଯାଉ। କ୍ଷତିପୂରଣ ନ ମିଳିଲା ପର୍ଯ୍ୟନ୍ତ ରାସ୍ତାରୋକ ଜାରି ରହିବ।
Edited by k.s thakur..