ITDA ବାଲିଗୁଡ଼ା ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ବୈକୁଣ୍ଠନାଥ ବେହେରାଙ୍କ ଘରେ ଭିଜିଲାନ୍ସ ଚଢ଼ାଉ... ଭୁବନେଶ୍ଵର,୦୭/୦୬(ନି.ପ୍ର) : ଆୟ ବହିର୍ଭୂତ ସମ୍ପତ୍ତି ...
ITDA ବାଲିଗୁଡ଼ା ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ବୈକୁଣ୍ଠନାଥ ବେହେରାଙ୍କ ଘରେ ଭିଜିଲାନ୍ସ ଚଢ଼ାଉ...
ଭୁବନେଶ୍ଵର,୦୭/୦୬(ନି.ପ୍ର) : ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଆଇଟିଡିଏ କନ୍ଧମାଳ, ବାଲିଗୁଡ଼ାର ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ବୈକୁଣ୍ଠନାଥ ବେହେରାଙ୍କ ଉପରେ ଭିଜିଲାନ୍ସ ଟିମ୍ ଆଜି ଏକାଳୀନ ଚଢ଼ାଉ କରିଛି।
Ad..
ଭୁବନେଶ୍ୱରର ସ୍ୱତନ୍ତ୍ର ବିଚାରପତି, ଭିଜିଲାନ୍ସ ଦ୍ୱାରା ଜାରି ହୋଇଥିବା ସର୍ଚ୍ଚ ୱାରେଣ୍ଟ ଅନୁଯାୟୀ ଦୁଇ ଜଣ ଅତିରିକ୍ତ ଏସ୍ପି, ପାଞ୍ଚ ଜଣ ଡିଏସ୍ପି, ଛଅ ଜଣ ଇନ୍ସପେକ୍ଟର ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ନେତୃତ୍ୱରେ ଟିମ୍ ଏହି ରେଡ୍ କରୁଛନ୍ତି।ମୋଟ୍ ୯ଟି ସ୍ଥାନରେ ଏହି ରେଡ୍ ଜାରି ରହିଛି।
ଭିଜିଲାନ୍ସ ସୂଚନା ଅନୁଯାୟୀ, ବେହେରାଙ୍କ ଭୁବନେଶ୍ବରସ୍ଥିତ ୪ଟି ଘର ସମେତ ମୋଟ୍ ୯ଟି ସ୍ଥାନରେ ଚଢ଼ାଉ ଚାଲିଛି।ଯାଜପୁର ଧର୍ମଶାଳାରେ ପୈତୃକ ଜମିରେ ଥିବା ଏକ ଦୁଇ ମହଲା କୋଠା, ବାରିପଦା ସହରରେ ଥିବା ଦୁଇ ସମ୍ପର୍କୀୟଙ୍କ ଘର ଏବଂ ବାଲିଗୁଡ଼ାରେ ଆଇଟିଡିଏ କାର୍ଯ୍ୟାଳୟ ନିକଟରେ ଥିବା ତାଙ୍କ ସରକାରୀ ବାସଭବନରେ ମଧ୍ୟ ଚଢ଼ାଉ ଚାଲିଛି।
ମିଳିଥିବା ସୂଚନା ଅନୁଯାୟୀ, ତାଙ୍କ ବ୍ୟାଙ୍କ ଲକରରୁ ପ୍ରାୟ ୨ କୋଟି ଟଙ୍କା ନଗଦ ମିଳିଛି। ବ୍ୟାଙ୍କ ମେସିନ ବ୍ୟବହାର କରି ନଗଦ ଗଣନା ପ୍ରକ୍ରିୟା ବର୍ତ୍ତମାନ ଚାଲିଛି।
Edited by k.s thakur...
No comments