ସମ୍ବଲପୁର ଆଇ.ଆଇ.ଏମ୍.ରେ ଟେଡ ଏକ୍ସ ବକ୍ତା ଭାବେ ଜାତୀୟ ମାଷ୍ଟର ଖେଳାଳୀ ଅନୁପମା ଘିବିଲା ଏବଂ ଅରୁଣା ଘିବିଲା...
ବରଗଡ଼,୧୯/୦୩(ବିଜୟ କୁମାର ସାହୁ): ବରଗଡ଼ ର ଗୌରବ ସ୍ବର୍ଣ୍ଣ ପଦକ ବିଜୟୀନୀ ଜାତୀୟ ଖେଳାଳି ଅନୁପମା ଘିବିଲା ଓ ଅରୁଣା ଘିବିଲା ଙ୍କୁ ସମ୍ବଲପୁର ଆଇ.ଆଇ.ଏମ୍ ରେ ଖେଳାଳି ଅନୁପମା ଘିବିଲା ଏବଂ ଅରୁଣା ଘିବିଲାଙ୍କୁ ଛାତ୍ର ଛାତ୍ରୀ ମାନଙ୍କୁ ପ୍ରେରଣା ଓ ଉତ୍ସାହିତ କରିବା ପାଇଁ ମୁଖ୍ୟବକ୍ତା ଭାବେ ନିମନ୍ତ୍ରିତ କରିଥିଲେ।
Ad..
ଆଇ.ଆଇ.ଏମ୍ .ର ଡାଇରେକ୍ଟର ପ୍ରୋଫେସର ମହାଦେଓ ଜୈସୱାଲ ଓ ତାଙ୍କ ସହକର୍ମୀ ଘିବିଲା ଭଉଣୀ ଦ୍ୱୟ ଙ୍କୁ ପୁଷ୍ପ ଗୁଛ ଉପଢୌକନ ଓ ସ୍ମୃତି ଫଳକ ସହିତ ସମ୍ବର୍ଦ୍ଧନା ଜଣାଇଥିଲେ।
Ad..
ଏହି କାର୍ଯ୍ୟକ୍ରମରେ ଇଣ୍ଡିଆନ ଇନଷ୍ଟିଟ୍ୟୁଟ୍ ଅଫ ମେନେଜ୍ ମେଣ୍ଟ ର ଛାତ୍ର ଛାତ୍ରୀ, ପ୍ରଫେସରଙ୍କ ସହିତ ବିଭିନ୍ନ କଲେଜର ଛାତ୍ରଛାତ୍ରୀମାନେ ମଧ୍ୟ ଉପସ୍ଥିତ ଥିଲେ। ଯେଉଁମାନେ “ବିକଶିତ ଭାରତ” ଗଠନରେ ନୂତନ ପଥ ସୃଷ୍ଟି କରିବେ ଏବଂ ଦେଶର ଉନ୍ନତିରେ ସହଭାଗୀ ହେବେ।
ଜାତୀୟ ପଦକ ଜିତିବାରୁ ଆରମ୍ଭ କରି ଆହତ ହେବା ଏବଂ ଜୀବନର କଠିନ ସମସ୍ୟାମାନଙ୍କୁ ଜୟ କରିବା ପର୍ଯ୍ୟନ୍ତ, ଭଉଣୀ ଅରୁଣା ଏବଂ ଅନୁପମା ଘିବିଲା କ୍ରୀଡ଼ା ଏବଂ ସେବା ମାଧ୍ୟମରେ ଗଢ଼ିଉଠିଥିବା ଦୃଢ଼ ସଙ୍କଳ୍ପ, ଶୃଙ୍ଖଳା ଏବଂ ସହନଶୀଳତାର ଶକ୍ତିଶାଳୀ କାହାଣୀ ବଖାଣିଥିଲେ।
ଅରୁଣା ଘିବିଲା ଏବଂ ଅନୁପମା ଘିବିଲା ବରଗଡ଼ର ଜାତୀୟ ମାଷ୍ଟର୍ସ ଖେଳାଳି, ଜାତୀୟ ସ୍ତରର ପ୍ରତିଯୋଗିତାରେ ସଫଳତା ପାଇଁ ପରିଚିତ। ୨୦୧୯ ମସିହାରୁ ରାଜ୍ୟକୁ ପ୍ରତିନିଧିତ୍ୱ କରି ଅନେକ ପଦକ ଜିତିଛନ୍ତି ଏବଂ କ୍ରୀଡ଼ା ଯାତ୍ରାରେ ଦୃଢ଼ ଶୃଙ୍ଖଳା, ସହନଶୀଳତା ଓ ସଙ୍କଳ୍ପକୁ ପ୍ରଦର୍ଶନ କରିଛନ୍ତି।
କ୍ରୀଡ଼ା ବ୍ୟତୀତ ଉଭୟେ ଶିକ୍ଷୟିତ୍ରୀ ଏବଂ ସକ୍ରିୟ ସାମାଜିକ କର୍ମୀ, ସେମାନେ ସ୍ୱାସ୍ଥ୍ୟ ସଚେତନତା କାର୍ଯ୍ୟକ୍ରମ, ବନ୍ୟା ସହାୟତା, ପରିଷ୍କାରତା ଅଭିଯାନ ଏବଂ ରକ୍ତଦାନ ଶିବିର ପରି ସମୁଦାୟ ଉଦ୍ୟମରେ ଅଂଶଗ୍ରହଣ କରିଛନ୍ତି ।ସେମାନଙ୍କ କାର୍ଯ୍ୟ ସାମାଜିକ ସେବା ଓ ଯୁବ ବିକାଶ ପ୍ରତି ଗଭୀର ପ୍ରତିବଦ୍ଧତାକୁ ପ୍ରକାଶ କରେ।
କ୍ରୀଡ଼ା, ଶିକ୍ଷା ଏବଂ ସମୁଦାୟ ସେବାରେ ସେମାନଙ୍କ ଏହି ଯୁଗଳ ଭୂମିକା ମାଧ୍ୟମରେ ସେମାନେ ଛାତ୍ର ଛାତ୍ରୀ ମାନଙ୍କୁ ଶାରୀରିକ ଭାବେ ସୁସ୍ଥ, ମାନସିକ ଭାବେ ଦୃଢ଼ ଏବଂ ଜୀବନର ଚ୍ୟାଲେଞ୍ଜକୁ ଜୟ କରିବାକୁ ପ୍ରେରିତ କରିଥିଲେ।
ଶେଷରେ ପ୍ରଫେସର ଶ୍ରୀ ଜୈସୱାଲ ଭଉଣୀ ଦ୍ୱୟ ଙ୍କୁ ବିଦାୟ ଦେଇ ଓଡିଶା ପାଇଁ ଆହୁରି ପଦକ ବିଜୟୀ ହେବା ପାଇଁ ଆଶୀର୍ବାଦ ଦେଇଥିଲେ।
Report : Bijay ku sahu
Edited by k.s thakur...