ଅଞ୍ଚଳ କଲେଜ ପଦ୍ମପୁରରେ ଇଂରାଜୀ ବିଭାଗର ସେମିନାର ଶୃଙ୍ଖଳା ଆରମ୍ଭ...
ପଦ୍ମପୁର,୧୩/୦୨(ବିଜୟ କୁମାର ସାହୁ): ବରଗଡ଼ ଜିଲ୍ଲାର ପ୍ରତିଷ୍ଠିତ ଶିକ୍ଷାନୁଷ୍ଠାନ ପଦ୍ମପୁର ଅଞ୍ଚଳ କଲେଜରେ ଆଜିଠାରୁ ଇଂରାଜୀ ବିଭାଗ ପକ୍ଷରୁ ସପ୍ତାହବ୍ୟାପୀ ସେମିନାର ଶୃଙ୍ଖଳା ଓ ବିଭାଗୀୟ କାର୍ଯ୍ୟକ୍ରମ ଆରମ୍ଭ ହୋଇଛି।
Ad..
ଏହି ଅବସରରେ ଇଂରାଜୀ ବିଭାଗର ପୂର୍ବତନ ମୁଖ୍ୟ ପ୍ରଫେସର ବିଦ୍ୟାଧର ଦାଶ ମୁଖ୍ୟ ଅତିଥି ତଥା ବିଷୟ ବିଶ୍ଳେଷକ ଭାବେ ଯୋଗ ଦେଇଥିଲେ। କଲେଜର ୫ ଜଣ ଛାତ୍ରୀଙ୍କ ଦ୍ୱାରା ଉପସ୍ଥାପିତ ସନ୍ଦର୍ଭଗୁଡ଼ିକୁ ସେ ଅତି ଚମତ୍କାର ଭାବେ ସମୀକ୍ଷା କରିବା ସହ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ। ତାଙ୍କର ପ୍ରେରଣାଦାୟୀ ଶୈଳୀକୁ ଉପସ୍ଥିତ ସମସ୍ତ ବିଦ୍ୟାର୍ଥୀ କରତାଳି ଦେଇ ସ୍ୱାଗତ କରିଥିଲେ।
କଲେଜର ଅଧ୍ୟକ୍ଷ ପ୍ରଫେସର ଖଗେଶ୍ୱର ଦାସ ଏହି ସେମିନାରରେ ସଭାପତିତ୍ୱ କରିଥିଲେ। ଇଂରାଜୀ ସମ୍ମାନ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ସେ ପ୍ରଦାନ କରିଥିବା ବକ୍ତବ୍ୟ ଅତ୍ୟନ୍ତ ପ୍ରଭାବଶାଳୀ ଓ ଶିକ୍ଷଣୀୟ ଥିଲା। ଇଂରାଜୀ ବିଭାଗ ମୁଖ୍ୟ *ପ୍ରଫେସର ଶ୍ରୀକାନ୍ତ କୁମାର ସାହୁ* ଛାତ୍ରଛାତ୍ରୀଙ୍କୁ ସର୍ବସାଧାରଣରେ କହିବାର ଭୟ ଦୂର କରିବା ସହ ଗବେଷଣାତ୍ମକ ଚିନ୍ତାଧାରା ବୃଦ୍ଧି କରିବାକୁ ପରାମର୍ଶ ଦେଇଥିଲେ। ସୂଚନାଯୋଗ୍ୟ ଯେ, ଶ୍ରୀଯୁକ୍ତ ସାହୁ ନିଜେ ଛାତ୍ରଛାତ୍ରୀଙ୍କ ସହ ମିଶି ସେମିନାର ହଲ୍କୁ ସୁସଜ୍ଜିତ କରିଥିଲେ। ପ୍ରତିଭାବାନ *ପ୍ରଫେସର ତୋଷବନ୍ତ* ବାରିକ ଧ୍ୟାନ ରେ ସବୁ ସେମିନାର ଟପିକ ଶୁଣି ଶେଷରେ ଛାତ୍ର ଛାତ୍ରୀ ମାନଙ୍କୁ କହିଲେ ଯେ ଶୁଣିବା ଦ୍ୟାର ହିଁ ଜ୍ଞାନ ବଢ଼ି ଥାଏ ।
ଛାତ୍ରୀଙ୍କ ଦ୍ୱାରା ଉପସ୍ଥାପିତ ବିଷୟବସ୍ତୁ:-
*ମନିଷା ପ୍ରଧାନ (ଷଷ୍ଠ ଷାଣ୍ମାସିକ):* ଯୋସେଫ ଆଡିସନଙ୍କ 'ଫ୍ରେଣ୍ଡସିପ୍' ଉପରେ ଏକ ଭିନ୍ନ ଦୃଷ୍ଟିକୋଣ ରଖି "Limitations of Joseph Addison’s Universal Vision of Friendship" ଶୀର୍ଷକ ପ୍ରବନ୍ଧ ପାଠ କରିଥିଲେ।
*ରୂପେଲି ପ୍ରଧାନ (ଷଷ୍ଠ ଷାଣ୍ମାସିକ):* ସେକ୍ସପିୟରଙ୍କ 'ମ୍ୟାକବେଥ' ନାଟକକୁ ଏକ ଟ୍ରାଜେଡି ବଦଳରେ ଏକ 'ଡିଟେକ୍ଟିଭ ପ୍ଲଟ୍' ବା ଅପରାଧ ତଦନ୍ତର କାହାଣୀ ଭାବେ ଉପସ୍ଥାପନ କରି ସମସ୍ତଙ୍କୁ ଚକିତ କରିଥିଲେ।
*କିରଣମୟୀ ପ୍ରଧାନ:* ଭାରତୀୟ ଶାସ୍ତ୍ରୀୟ 'ରସ ତତ୍ତ୍ୱ' (Rasa Theory) ଉପରେ ସୁନ୍ଦର ଆଲୋକପାତ କରିଥିଲେ।
*ଅଙ୍କିତା ପାଣ୍ଡେ:* 'All for Love' କୁ ଏକ ବୀରତ୍ୱପୂର୍ଣ୍ଣ ଟ୍ରାଜେଡି (Heroic Tragedy) ଭାବେ ଆଲୋଚନା କରିଥିଲେ।
*ଅଞ୍ଜଳି ବାଗ:* ଚେତନ ଭଗତଙ୍କ ଉପନ୍ୟାସ 'Five Point Someone' କୁ ଏକ କ୍ୟାମ୍ପସ ନଭେଲ ଭାବେ ଉପସ୍ଥାପନ କରିଥିଲେ।
ଶେଷରେ ଡକ୍ଟର ପ୍ରଦୀପ ପଣ୍ଡା ଧନ୍ୟବାଦ ଅର୍ପଣ କରିଥିଲେ ମଧ୍ୟ ଏହି ସେମିନାର ଶୃଙ୍ଖଳା ଆଗାମୀ ୭ ଦିନ ପର୍ଯ୍ୟନ୍ତ ଜାରି ରହିବ ବୋଲି ସୂଚନା ମିଳିଛି। ଏବଂ ଏହା ପରେ ଇଂରାଜୀ ବିଭାଗର ବାର୍ଷିକ ଉତ୍ସବ ଅନୁଷ୍ଠିତ ହେବ।
Report : Bijay ku sahu
Edited by k.s thakur...