ସରକାରୀ ଜମି ଜବର ଦଖଲ ମାମଲା, ଉଛେଦ ପାଇଁ ଦାବିପତ୍ର ପ୍ରଦାନ ..
ଏହି ଖାତାର ପ୍ଳଟ ନଂ . ୩୭୯ କିସମ ବସ୍ତି ଯୋଗ୍ୟ ଏରିଆ ଏ.୦ , ୦୫୩ତି , ଜମି ଧନସାଏ ପୁଟେଲ ପିତା ବିଶ୍ବରାମ ପୁଟେଲଙ୍କ ନାମରେ ଜବର ଦଖଲ ରହିଛି ଯାହା ମନ୍ତବ୍ୟ ଖାନାରେ ମଧ୍ୟ ସୂଚିତ ଅଛି । ଗତ ୧୫ / ୨୦ ବର୍ଷ ତଳେ ଧନସାଏ ପୁଟେଲଙ୍କ ଦେହାନ୍ତ ହେବା ପୂର୍ବରୁ ସେ ନିଜ ଦଖଲରେ ଥିବା ଉକ୍ତ ଜମିକୁ ପଡାର ସର୍ବସାଧାରଣଙ୍କ ବ୍ୟବହାର ତଥା ସାମାଜିକ କାର୍ଯ୍ୟ କଳାପ ପାଇଁ ମୌଖିକଭାବେ ଦାନ କରିଥିଲେ ।
ସେହି ଦିନଠାରୁ ପଡାବାସୀ କୌଣସି ବିବାହ , ଧାର୍ମିକ କାର୍ଯ୍ୟକଳାପ ତଥା ସର୍ବସାଧାରଣଙ୍କ ପାଇଁ ବ୍ୟବହାର କରିଆସୁଥିଲେ କିନ୍ତୁ ଗତ କିଛି ବର୍ଷହେଲା ସେହି ସର୍ବସାଧାରଣ ଜମିରେ ପଙ୍କଜ ପାଣ୍ଡେ ରାମପ୍ରବେଶ ପାଣ୍ଡେ ଉଭୟଙ୍କ ପିତା- ଶିବକୁମାର ଶାସ୍ତ୍ରୀ ନାମକ ବ୍ୟକ୍ତି ଯୋର ଜବରଦସ୍ତ ଘରଦ୍ବାର ନିର୍ମାଣ କରିବା ସହିତ ବକେୟା କିଛି ଜମିକୁ ବାଡ ଦେଇ କବର ଦଖଲ କରିଛନ୍ତି । ଫଳରେ ଉକ୍ତ ସର୍ବସାଧାରଣ ଜମି ପଡାବାସୀଙ୍କ ପାଇଁ ଉପଯୋଗୀ ହେଇପାରୁନାହିଁ ।
ପଡାର କୌଣସି ପ୍ରକାର ବିବାହ ବନ୍ଧନ , ସାମାଜିକ କାର୍ଯ୍ୟ କିମ୍ବା ଧାର୍ମିକ କାର୍ଯ୍ୟ କରିବାକୁ ହେଲେ ସ୍ଥାନ ଅଭାବରୁ ଗରିବ , ଖଟିଖିଆ ସାଧାରଣ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖିନ ହେଉଥିବା ୱାର୍ଡ ନମ୍ୱର୍ ୫ ର ନିବାସୀ ଅଭିଯୋଗ କରିଛନ୍ତି। ସେହି ଅଞ୍ଚଳରେ ବସବାସ କରୁଥିବା ଲୋକେ ଆର୍ଥିକ କ୍ଷେତ୍ରରେ ସ୍ଵଛଳ ନ ଥିବାରୁ କୌଣସି ଧର୍ମଶାଳା କିମ୍ବା କମ୍ୟୁନିଟି ହଲ ଭଡ଼ାରେ ନେବା ପାଇଁ ସମର୍ଥ ନୁହନ୍ତି ।
ଏଣୁ ସମସ୍ତ ୱାର୍ଡ ବାସି ଏକ ଦାବିପତ୍ର ଜରିଆରେ କଣ୍ଟାବାଞ୍ଜି ତହସିଲଦାରଙ୍କୁ ଏହି ସ୍ଥାନରୁ ଜବରଦଖଲ ଉଚ୍ଛେଦ କରିବା ପାଇଁ ଅନୁରୋଧ କରିଛନ୍ତି । ଏହାର ଅବିକଳ ନକଲ କଣ୍ଟାବାଞ୍ଜି ବିଜ୍ଞାପିତ ଅଞ୍ଚଳ ପରିଷଦ ନିର୍ବାହୀ ଅଧିକାରୀଙ୍କୁ ମଧ୍ୟ ଦିଆଯାଇଥିବା ପଡ଼ାବାସି ସୂଚନା ଦେଇଛନ୍ତି । ଏହି ଦାବିପତ୍ର ଦେବା ସମୟରେ କୁଶ ଠେଲା, ଧିରୁ ସାହୁ , ସାଧୁ ପଟେଲ, ଶଙ୍କର ପଟେଲ, ସମ୍ଭୁ ପଟେଲ, କାର୍ତ୍ତିକ ବନଛୋର ପ୍ରମୁଖ ଉପସ୍ଥିତ ଥିଲେ।
Edited by k.s thakur..