ଡକ୍ଟର କିରଣ ବେଦୀଙ୍କ ବେଦାନ୍ତ ଝାରସୁଗୁଡ଼ା ଗସ୍ତ...

ଡକ୍ଟର କିରଣ ବେଦୀଙ୍କ ବେଦାନ୍ତ ଝାରସୁଗୁଡ଼ା ଗସ୍ତ... ଝାରସୁଗୁଡ଼ା,୨୨/୦୩(ନି.ପ୍ର) :  ଭାରତର ସର୍ବବୃହତ ଆଲୁମିନିୟମ୍ ଉତ୍ପାଦନକାରୀ କମ୍ପାନୀ ‘ବେଦାନ୍ତ ଆଲୁମିନିୟମ୍’...

ଡକ୍ଟର କିରଣ ବେଦୀଙ୍କ ବେଦାନ୍ତ ଝାରସୁଗୁଡ଼ା ଗସ୍ତ...

ଝାରସୁଗୁଡ଼ା,୨୨/୦୩(ନି.ପ୍ର) : ଭାରତର ସର୍ବବୃହତ ଆଲୁମିନିୟମ୍ ଉତ୍ପାଦନକାରୀ କମ୍ପାନୀ ‘ବେଦାନ୍ତ ଆଲୁମିନିୟମ୍’ର ଝାରସୁଗୁଡ଼ା ସ୍ଥିତ ମେଗା ଆଲୁମିନିୟମ୍ ପ୍ଲାଣ୍ଟ ପରିଦର୍ଶନ କରିଛନ୍ତି ପ୍ରସିଦ୍ଧ ଜନବ୍ୟକ୍ତିତ୍ୱ ତଥା ପୁଡୁଚେରୀର ପୂର୍ବତନ ଉପରାଜ୍ୟପାଳ ଡକ୍ଟର କିରଣ ବେଦୀ।

         Ad..

ମହିଳା ଦିବସ-୨୦୨୬ ପାଳନ ଅବସରରେ କମ୍ପାନୀ ପକ୍ଷରୁ ଆୟୋଜିତ ଏକ ସ୍ୱତନ୍ତ୍ର ଟାଉନ୍‌ହଲ୍ ବୈଠକରେ ଯୋଗଦେଇ ସେ ୧୦୦୦ ରୁ ଅଧିକ ଅଂଶଗ୍ରହଣକାରୀଙ୍କୁ ସମ୍ବୋଧିତ କରିବା ସହ ମହିଳା ଉଦ୍ୟୋଗୀ ଏବଂ ବୃତ୍ତିଗତ କର୍ମଚାରୀଙ୍କ ସହ ସମୟ ବିତାଇଥିଲେ।

    Ad..

ଭାରତର ପ୍ରଥମ ମହିଳା ଆଇପିଏସ୍ (IPS) ଅଧିକାରୀ, ଜାତିସଂଘର ପ୍ରଥମ ମହିଳା ବେସାମରିକ ପୋଲିସ ପରାମର୍ଶଦାତା ତଥା ରାମନ୍ ମ୍ୟାଗସେସେ ପୁରସ୍କାର ବିଜେତା ଡକ୍ଟର ବେଦୀ ଏହି ଅବସରରେ ନିଜର ଦୀର୍ଘ ବର୍ଷର ନେତୃତ୍ୱ ଅଭିଜ୍ଞତା ବାଣ୍ଟିଥିଲେ। ସେ କହିଥିଲେ ଯେ:“ବେଦାନ୍ତ ଲିମିଟେଡ୍ ଏହି ଦେଶର ଏକ ହୀରା ସଦୃଶ। 

ଦେଶକୁ ଏପରି ଅଧିକ ଅନୁଷ୍ଠାନର ଆବଶ୍ୟକତା ଅଛି, ଯେଉଁମାନେ ଦାୟିତ୍ୱର ସହ ସମ୍ବଳ ବ୍ୟବହାର କରନ୍ତି। କେବଳ ପୁରସ୍କାର ପାଇଁ କାମ କରନ୍ତୁ ନାହିଁ। ନିର୍ଦ୍ଦିଷ୍ଟ ଉଦ୍ଦେଶ୍ୟ ସହିତ କାମ କରନ୍ତୁ ଏବଂ ଦାୟିତ୍ୱ ନିଅନ୍ତୁ। ଏକ ଶକ୍ତିଶାଳୀ କର୍ମଶକ୍ତି ଗଠନ ପାଇଁ ଅଧିକରୁ ଅଧିକ ମହିଳାଙ୍କ ଅଂଶଗ୍ରହଣ ଆବଶ୍ୟକ।”

ଏହି କାର୍ଯ୍ୟକ୍ରମରେ ବେଦାନ୍ତ ଲିମିଟେଡର ଅଣ-କାର୍ଯ୍ୟକାରୀ ନିର୍ଦ୍ଦେଶକ ଏବଂ ହିନ୍ଦୁସ୍ତାନ ଜିଙ୍କ୍ ଲିମିଟେଡର ଅଧ୍ୟକ୍ଷା ଶ୍ରୀମତୀ ପ୍ରିୟା ଅଗ୍ରୱାଲ ହେବ୍ବର ଯୋଗଦେଇ କହିଥିଲେ, “ଆଜି ବେଦାନ୍ତ ଦଳରେ ୨୩% ରୁ ଅଧିକ ମହିଳା ଅଛନ୍ତି। ଭାରତର ପ୍ରଥମ କମ୍ପାନୀ ଭାବରେ ସମ୍ପୂର୍ଣ୍ଣ ମହିଳା ପୋଟ୍‌ଲାଇନ୍ (Potline) ପରିଚାଳନା କରୁଥିବାରୁ ଆମେ ଗର୍ବିତ। 

ଆମର ମୂଳ ଲକ୍ଷ୍ୟ ହେଉଛି ସମସ୍ତଙ୍କ ପାଇଁ ସମାନ ସୁଯୋଗ ସୃଷ୍ଟି କରିବା।”ବେଦାନ୍ତ ଝାରସୁଗୁଡ଼ାର ସିଇଓ (CEO) ଶ୍ରୀଯୁକ୍ତ ସି. ଚନ୍ଦ୍ରୁ ଡକ୍ଟର ବେଦୀଙ୍କୁ କୃତଜ୍ଞତା ଜଣାଇ କହିଥିଲେ, “ଓଡ଼ିଶାରେ ଆମେ ପ୍ରଥମ ଥର ପାଇଁ ମହିଳାମାନଙ୍କୁ ରାତି ପାଳି (Night Shift) ରେ କାମ କରିବାର ସୁଯୋଗ ଦେଇଛୁ ଏବଂ ଆମର ସମ୍ପୂର୍ଣ୍ଣ ମହିଳା ପଟ୍‌ଲାଇନ୍ ଦେଶ ପାଇଁ ଏକ ଉଦାହରଣ। 

ଡକ୍ଟର ବେଦୀଙ୍କ ଆଦର୍ଶ ଆମ କର୍ମଚାରୀଙ୍କ ପାଇଁ ଏକ ବଡ଼ ପ୍ରେରଣା।”ନିଜ ଗସ୍ତ କାଳରେ ଡକ୍ଟର ବେଦୀ ବେଦାନ୍ତର ଏକ ସାମୁଦାୟିକ ବିକାଶ ପ୍ରକଳ୍ପ ଅଧୀନରେ ଥିବା ପଶ୍ଚିମ ଓଡ଼ିଶାର ସର୍ବବୃହତ ସ୍ୱୟଂ ସହାୟକ ଗୋଷ୍ଠୀ (SHG) ‘ସୁଭଲକ୍ଷ୍ମୀ’ର ସଦସ୍ୟାମାନଙ୍କ ସହ ଆଲୋଚନା କରିଥିଲେ। 

ଏଥିସହିତ, ପ୍ଲାଣ୍ଟରେ ଯୋଗ ଦେବାକୁ ଥିବା ଅନେକ ବିଶେଷ ଭାବରେ ସକ୍ଷମ (ଦିବ୍ୟାଙ୍ଗ) ବୃତ୍ତିଗତଙ୍କୁ ସେ ପ୍ରସ୍ତାବ ପତ୍ର (Offer Letters) ପ୍ରଦାନ କରିଥିଲେ। ପରେ ସେ ଭାରତର ପ୍ରଥମ ସମ୍ପୂର୍ଣ୍ଣ ମହିଳା ପଟ୍‌ଲାଇନ୍, ପାୱାର ଅପରେସନ୍ସ ଏବଂ ମହିଳା ଲୋକୋମୋଟିଭ୍ ଦଳକୁ ଭେଟି ଉତ୍ସାହିତ କରିଥିଲେ।

Edited by k.s thakur...