ରାଜ୍ୟ କ୍ୟାବିନେଟରେ ୧୦ଟି ବିଭାଗର ୧୨ଟି ପ୍ରସ୍ତାବକୁ ଅନୁମୋଦନ...
ଭୁବନେଶ୍ଵର,୦୧/୦୨(ନି.ପ୍ର): ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟ କ୍ୟାବିନେଟ ବୈଠକରେ ୧୦ଟି ବିଭାଗର ୧୨ଟି ପ୍ରସ୍ତାବ ଉପରେ କ୍ୟାବିନେଟ ମୋହର ଲାଗିଛି।
Ad..
କ୍ୟାବିନେଟ୍ର ନିଷ୍ପତ୍ତି ଅନୁଯାୟୀ ଓଡ଼ିଶା ୟୁନିଫର୍ମ୍ଡ ସର୍ଭିସେସ୍ ଷ୍ଟାଫ୍ ସିଲେକ୍ସନ୍ କମିଶନ୍ (ଚେୟରମ୍ୟାନ୍ ଓ ସଦସ୍ୟମାନଙ୍କ ନିଯୁକ୍ତି ପଦ୍ଧତି ଓ ସେବା ଶର୍ତ୍ତାବଳୀ) ନିୟମ, ୨୦୨୬କୁ ମଞ୍ଜୁରି ଦିଆଯାଇଛି।ଭୁବନେଶ୍ୱର ଦୁବାଇ ଏବଂ ସିଙ୍ଗାପୁରକୁ ବିମାନ ଚଳାଚଳ ପାଇଁ ରାଜ୍ୟ ସରକାର ଆର୍ଥିକ ସହାୟତା ଯୋଗାଇବେ।
Ad..
ଏହା ସହିତ OUSSSC ନିୟମ, ୨୦୨୫ ଅଧୀନରେ ଗଠିତ ଢାଞ୍ଚା ପୂର୍ଣ୍ଣ ହୋଇଛି ଏବଂ ଏହା ମାଧ୍ୟମରେ ଏକ ଚେୟରମ୍ୟାନ୍ ଓ ଦୁଇଜଣ ସଦସ୍ୟଙ୍କ ନିଯୁକ୍ତିର ପଥ ସ୍ପଷ୍ଟ ହୋଇଛି। ନୂତନ କମିଶନ୍ ଓଡ଼ିଶା ପୋଲିସ, ଅବକାରୀ, ଜଙ୍ଗଲ ଓ ପରିବେଶ, ଏବଂ ବାଣିଜ୍ୟ ଓ ପରିବହନ ବିଭାଗର ୟୁନିଫର୍ମ୍ଡ ସର୍ଭିସ୍ଗୁଡ଼ିକ ପାଇଁ କେନ୍ଦ୍ରୀକୃତ, ପାରଦର୍ଶୀ ଓ ପ୍ରଯୁକ୍ତି-ଆଧାରିତ ନିଯୁକ୍ତି ପ୍ରକ୍ରିୟା ପରିଚାଳନା କରିବ।
Ad..
ଏହି ସୁଧାରର ଲକ୍ଷ୍ୟ ହେଉଛି ପୂର୍ବରୁ ଥିବା ଅନିୟମିତତାକୁ ଦୂର କରି ମେରିଟ୍ ଆଧାରିତ ଓ ନ୍ୟାୟସଙ୍ଗତ ଚୟନ ପ୍ରକ୍ରିୟା ସୁନିଶ୍ଚିତ କରିବା।ଅନ୍ୟ ଗୁରୁତ୍ୱପୂର୍ଣ୍ଣ ସିଦ୍ଧାନ୍ତରେ, କ୍ୟାବିନେଟ୍ ଧେଙ୍କାନାଲ ଜିଲ୍ଲାର ଗଜମାରା ଅଞ୍ଚଳରେ କଲ୍ୟାଣୀ ଗ୍ରୁପ୍ ପକ୍ଷରୁ ପ୍ରସ୍ତାବିତ ₹୧୭,୨୫୦ କୋଟି ଟଙ୍କାର ଏକ ସମନ୍ୱିତ ମାନୁଫ୍ୟାକ୍ଚରିଂ କମ୍ପ୍ଲେକ୍ସକୁ ମଞ୍ଜୁରି ଦେଇଛି।
IPR ୨୦୨୨ର ବିଶେଷ ବ୍ୟବସ୍ଥା ଅନୁସାରେ ପ୍ରାୟ ୧,୧୦୦ ଏକର ଜମିରେ ବିସ୍ତାରିତ ଏହି ପ୍ରକଳ୍ପରେ ସ୍ପେସିଆଲିଟି ଷ୍ଟିଲ୍, ସୁପର୍ ଆଲୋୟ, କାଷ୍ଟିଂ ଓ ଫୋର୍ଜିଂ ୟୁନିଟ୍ ସହ ଟାଇଟାନିୟମ୍, ଅଟୋ କମ୍ପୋନେଣ୍ଟ୍ସ, ଏୟାରୋସ୍ପେସ୍ ଓ ରକ୍ଷା ସରବରାହ ଶୃଙ୍ଖଳା ପାଇଁ ଭେଣ୍ଡର୍ ପାର୍କ୍ ସମ୍ମିଳିତ ହେବ, ଯେଉଁଥିରେ ଭାରତ୍ ଫୋର୍ଜ ସହ ଜଡିତ ସୁବିଧାମାନେ ମଧ୍ୟ ରହିବ ।
ଛାତ୍ରଛାତ୍ରୀମାନଙ୍କ ମଧ୍ୟରେ ବିଜ୍ଞାନ ଏବଂ ଲୋକଙ୍କ ମଧ୍ୟରେ ପ୍ରଯୁକ୍ତି ବିଦ୍ୟାକୁ ଲୋକପ୍ରିୟ କରିବାକୁ ‘ରାଜ୍ୟ ବିଜ୍ଞାନ ଓ ବୈଷୟିକ ପରିଷଦ ଯୋଜନା’କୁ ମଞ୍ଜୁରୀ ମିଳିଛି ।୨୦୨୫ରୁ ୨୦୨୬ ଆର୍ଥିକ ବର୍ଷରୁ ୨୦୨୯-୩୦ ଆର୍ଥିକ ବର୍ଷ ପାଇଁ ₹୨୫୪. ୮୫ କୋଟି ଟଙ୍କା ବ୍ୟୟବରାଦ ହୋଇଛି।
ଏହି ପ୍ରକଳ୍ପ ରାଜ୍ୟର ଔଦ୍ୟୋଗିକ ବିକାଶକୁ ଗତି ଦେବା ସହିତ ବ୍ୟାପକ ରୋଜଗାର ସୃଷ୍ଟି କରିବ ଏବଂ ଉନ୍ନତ ମାନୁଫ୍ୟାକ୍ଚରିଂ ଓ ରକ୍ଷା ଉତ୍ପାଦନ କ୍ଷେତ୍ରରେ ଓଡ଼ିଶାର ସ୍ଥାନକୁ ଆହୁରି ମଜବୁତ କରିବ। କ୍ୟାବିନେଟ୍ ବୈଠକରେ ଏହା ସହିତ ଅନେକ ଅନ୍ୟାନ୍ୟ ପ୍ରସ୍ତାବକୁ ମଧ୍ୟ ମଞ୍ଜୁରି ଦିଆଯାଇଛି।
Edited by k.s thakur...